राज्य सरकारी कर्मचाऱ्यांना महागाई भत्त्यात तब्बल 12 टक्के वाढ

मुंबई : महाराष्ट्र सरकारने राज्य सरकारी कर्मचाऱ्यांना मोठी भेट दिली आहे. महाराष्ट्राच्या देवेंद्र फडणवीस सरकारने एक आदेश जारी केला आहे. ज्यामध्ये सरकारने महागाई भत्त्या 12 टक्के वाढ जाहीर केली आहे. महागाई भत्त्यात 12 टक्के वाढ पाचव्या वेतन आयोगाच्या अपरिवर्तित वेतनश्रेणी अंतर्गत लागू होईल. ही वाढ 1 जुलै 2024 पासून लागू होईल आणि 1 जुलै 2024 ते 31 जानेवारी 2025 पर्यंतच्या थकबाकीसह फेब्रुवारी 2025 च्या पगारासह दिली जाणार आहे.

सरकारी कर्मचाऱ्यांनी अलिकडेच केलेल्या महागाई भत्त्यात वाढ करण्याच्या मागणीला प्रतिसाद म्हणून सरकारने हे पाऊल उचलले आहे. सुधारित महागाई भत्ता 443 टक्क्यांवरून 455 टक्के करण्यात आला आहे. याचा फायदा सुमारे 17 लाख कर्मचाऱ्यांना होईल आणि खर्च संबंधित अर्थसंकल्पीय तरतुदींमधून भागवला जाईल.कर्मचारी संघटनांनी या वाढीचे स्वागत केले आहे आणि ते बऱ्याच काळापासून यासाठी प्रयत्न करत होते. हे पाऊल केवळ कर्मचाऱ्यांसाठी फायदेशीर ठरणार नाही तर, राज्याची आर्थिक स्थिती सुधारेल, अशी अपेक्षा आहे.

राज्य वित्त विभागाच्या अधिकाऱ्यांनी दिलेल्या माहितीनुसार, महागाई भत्ता वाढीचा फायदा सुमारे 17 लाख कर्मचाऱ्यांना होण्याची अपेक्षा आहे. सरकारी निर्णयानुसार (GR) डीएचे वितरण नियमित प्रक्रियेनुसार सुरू राहील. शिवाय, सुधारित महागाई भत्त्यावरील खर्च संबंधित वेतन आणि भत्त्यांमधील अर्थसंकल्पीय तरतुदींमधून भागवला जाईल. अनुदानित संस्था आणि जिल्हा परिषदेच्या कर्मचाऱ्यांचा खर्च आर्थिक मदतीसाठी निर्दिष्ट केलेल्या उप-शीर्षकांतर्गत नोंदवला जाईल. यामुळे कर्मचाऱ्यांना आर्थिक सुरक्षा मिळेल आणि त्यांचे राहणीमान सुधारेल.